“O‘zgidromet” hafta davomida qanday ob-havo kuzatilishi haqida ma’lumot berdi.
Unga ko‘ra, 1-aprel kunduzi O‘zbekistonning barcha hududi bo‘yicha yog‘ingarchiliksiz ob-havo bo‘lishi kutilmoqda.
2—3-aprel kunlari respublika hududiga Kaspiy dengizining janubiy hududlaridan nam havo oqimi kirib keladi. 2-aprelda Qashqadaryo, Surxondaryo viloyatlarida va kunning ikkinchi yarmida Samarqand, Jizzax viloyatlarida, 3-aprelda Toshkent, Samarqand, Jizzax, Sirdaryo viloyatlarida va Farg‘ona vodiysining ba’zi joylarida yomg‘ir yog‘ishi, momaqaldiroq bo‘lishi mumkin.
1—3-aprel kunlari havo harorati 15-20 daraja atrofida bo‘ladi.
4—5-aprelda O‘zbekiston bo‘yicha yog‘ingarchilik kutilmaydi, harorat 18-23 darajagacha, ba’zi joylarda 25 darajagacha ko‘tariladi. Kechalari harorat asosan 5-10 daraja bo‘ladi.
Tog‘li hududlarda 2—4-aprel kunlari vaqti-vaqti bilan yog‘ingarchilik (yomg‘ir, baland tog‘larda qor) bo‘ladi, qor ko‘chish xavfi saqlanib turadi.
Toshkentda 1—2 va 4—5-aprel kunlari yog‘ingarchilik kutilmaydi. 3-aprelda yomg‘ir yog‘ishi, momaqaldiroq bo‘lishi mumkin. Harorat 1—3-aprelda 16-19 daraja, 4—5-aprelda 19-22 daraja bo‘ladi. Harorat kechalari asosan 5-10 daraja iliq bo‘ladi.
Izoh (0)