Rossiyalik milliarderlarning umumiy boyligi yil boshidan buyon 18,293 milliard dollarga oshdi. Biroq Alisher Usmonovning boyligi 2,8 milliard dollarga kamaydi. Tegishli ma’lumotlar Bloomberg Billionaires Index (BBI) da keltirildi.
“YevroXim” va Sibir ko‘mir energetika kompaniyasi (SUEK) mulkdori Andrey Melnichenkoning boyligi sezilarli darajada ortgan, jumladan, 5,29 milliard dollarga oshgan. Uning hozirgi kapitali 24,1 milliard dollarni tashkil qiladi. Eng katta zararni USM Holdings asoschisi Alisher Usmonov ko‘rdi, uning boyligi 2,8 milliard dollarga kamayib, 18,3 milliard dollarga yetdi.
Bloomberg reytingi bo‘yicha eng boy 10 nafar rossiyaliklar quyidagilar:
- “Nornikel” kompaniyasining mulkdori Vladimir Potanin (+768 million dollar, hozirgi boylik 31,8 milliard dollar);
- NLMK po‘lat kompaniyasining benefitsiari Vladimir Lisin (+2,91 mlrd dollar, boyligi 26,9 mlrd dollar);
- NOVATEK mulkdori Leonid Mixelson (-747 mln dollar, boyligi 26,7 mlrd dollar);
- LUKOIL mulkdori Vagit Alekperov (+1,79 mlrd dollar, boyligi 26,4 mlrd dollar);
- Severstal benefitsiari Aleksey Mordashov (+3,75 mlrd dollar, boyligi 24,6 mlrd dollar);
- Andrey Melnichenko (+5,29 mlrd dollar, boyligi 24,1 mlrd dollargacha);
- Alisher Usmonov (-2,8 mlrd dollar, boyligi 18,3 mlrd dollar);
- Mixail Proxorov (+1,38 mlrd dollar, boyligi 17,1 mlrd dollar);
- Alfa Group asoschisi Mixail Fridman (+1,21 mlrd dollar, boyligi 13,5 mlrd dollar);
- NOVATEK va “Sibur” mulkdori Gennadiy Timchenko (-1,45 mlrd dollar, boyligi 12,7 mlrd dollar).
Xitoyning Hurun tadqiqot institutining mart oyida e’lon qilgan reytingiga ko‘ra, o‘tgan yil ichida Rossiyaga olti nafar dollarlik milliarderlar qo‘shildi. Bu mamlakatda 76 milliarder bilan yettinchi o‘ringa chiqishga imkon berdi. Reytingni tuzganlar “milliarderlar migratsiyasi”ning o‘sib borayotganini ta’kidladi: AQSH, Buyuk Britaniya, Shveysariya va Singapur eng ko‘p afzal ko‘riladigan davlatlar qatoriga kiradi.
Izoh (0)