Gamburg hududiy sudi Amerikaning Forbes jurnaliga biznesmen, USM xoldingi asoschisi Alisher Usmonov Rossiya prezidenti Vladimir Putinni “qo‘llab-quvvatlagani” va “uning biznes muammolarini hal qilgani” haqidagi bayonotlarni tarqatishni taqiqladi. Bu haqda “RBK” xabar berdi.
Tegishli da’voga 2022-yil 2-fevralda Forbes jurnalida chiqqan “Ukraina tufayli Bayden sanksiyalariga duchor bo‘lishi mumkin bo‘lgan Putin oligarxlari bilan tanishing” sarlavhali maqola sabab bo‘ldi. Shu sababli 2023-yil 27-fevralda maqola yuzasidan da’vo berildi.
Usmonovning himoyachisi maqolada asossiz iddaolar, ya’ni anonim ekspertning “Usmonov bir necha bor Putinni qo‘llab-quvvatlagan va biznesdagi muammolarini hal qilgan” degan iqtibosini o‘z ichiga olganini aytdi.
Keyinchalik 2022-yil fevral oyida bu ibora, boshqalar qatori, Yevoittifoq Kengashi tomonidan rossiyalik tadbirkorga qarshi sanksiyalarni oqlashda keltirildi. Usmonovning advokatlari Forbes maqolasidagi bayonotlarni yolg‘on va tuhmat deb atadi.
Sud jarayonida Forbes bayonot berilgan anonim manbani oshkor qilishdan bosh tortdi. Nashr, shuningdek, Usmonov qachon va qanday qilib Putinni “qo‘llab-quvvatlagani” yoki “biznes muammolarini hal qilgani” haqida misol keltira olmagan, deyiladi sud hujjatida.
Natijada, Germaniya sudi Forbes nashriga ushbu va boshqa bir qator bayonotlarni, jumladan, Usmonov Rossiyaning sobiq aloqa vaziri Leonid Reymandan Putinning “biznes muammosini hal qilish” uchun Rossiyaning MegaFon uyali aloqa operatori ulushini sotib olgani haqida da’vo qilishni rad etdi.
EU Today ta’kidlaganidek, sud qarori Ukrainadagi harbiy amaliyot bilan bog‘liq ayrim rossiyaliklarga nisbatan sanksiyalarini oqlash uchun Yevropa Ittifoqi tayangan manbalarga e’tiroz bildirishda qonuniy pretsedent bo‘lishi mumkin.
Izoh (0)