Superliga. “Navbahor” “Surxon”ga qarshi bahsda so‘nggi daqiqalarda gol urib, mag‘lubiyatdan qutulib qoldi, “Olimpik” yetakchi “Neftchi” ustidan kichik hisobda g‘alaba qozondi (video)

Futbol bo‘yicha O‘zbekiston Superligasining 4-turidan o‘rin olgan ikki o‘yin 31-mart, yakshanba kuni bo‘lib o‘tdi.

“Surxon” safarda “Navbahor” mehmoni bo‘ldi. Uchrashuvning 23-daqiqasida Sunnatulloh Hamidjonov mehmonlarni hisobda oldinga olib chiqdi.

Oradan bir necha daqiqa o‘tib, Jahongir Abdusalomov “Surxon”ning ikkinchi goliga mualliflik qildi.

Birinchi bo‘lim mehmon jamoasining ustunligi bilan yakunlandi. Ikkinchi bo‘limni esa “Navbahor” faolroq boshladi va hisobni qisqartirdi. 49-daqiqada Azimjon Ahmedov o‘z nomini tabloga yozdirib qo‘ydi. 

O‘yin so‘ngida esa “Surxon” darvozasi tomon penalti belgilandi. Toma Tabatadze ushbu penaltini aniq amalga oshirib, jamoasining durang qayd etishiga hissa qo‘shdi.

Turning yana bir o‘yinida “Olimpik” va “Neftchi” o‘zaro bahs olib bordi. Uchrashuvning oxirida mezbonlar futbolchisi Alisher Odilov darvozani aniq nishonga olib, jamoasiga qiyin g‘alabani olib keldi.

4-tur o‘yinlaridan so‘ng musobaqa jadvali quyidagicha ko‘rinish oldi:

Superliga

4-tur

31-mart, yakshanba

“Navbahor” – “Surxon” 2:2

Gollar: 0:1 — 23 Hamidjonov, 0:2 — 32 Jahongir Abdusalomov, 1:2 — 49 Ahmedov, 2:2 — 90+4 Toma Tabatadze.

“Navbahor”: 1. O‘tkir Yusupov, 7. Azim Ahmedov, 8. Siyavash Haqnazari (11. Asadbek Sobirjonov, 33), 9. Odiljon Hamrobekov, 10. Jamshid Iskanderov (77. Abrorbek Ismoilov, 79), 13. Filip Ivanovich, 14. Jamshid Boltaboyev, 17. Ruslanbek Jiyanov, 22. Toma Tabatadze, 23. Yovan Jokich, 34. Farruh Sayfiyev.

“Surxon”: 16. Dilshod Yo‘ldoshev, 3. Sunnatulloh Hamidjonov, 4. Nodirxon Ne’matxonov, 7. Dostonbek Tursunov (20. Sardorbek Mahmudov, 65), 8. Humoyun Sherbo‘tayev, 9. Ulug‘bek Hoshimov, 10. Dmitri Pletnev (99. Komron Saidazimov, 65), 15. Diyor Ramozonov, 17. Jahongirbek Abdusalomov, 19. Muhammad Ali Abdurahmonov (27. Asilbek Jumayev, 81), 66. Behruz Shaydulov.

Ogohlantirish: Nodirxon Ne’matxonov (15).

“Olimpik” – “Neftchi” 1:0

Gol: 1:0 — 90+2 Alisher Odilov

“Olimpik”: 13. Hamidullo Abdunabiyev, 2. Saidazamat Mirsaidov, 7. Ibrohim Ibragimov, 10. Farruhbek Muxtorov (15. Muhsin Bozorov, 68), 11. Otabek Jo‘raqo‘ziyev (9. Asadbek Jo‘raboyev, 75), 18. Akbar Abdirasulov, 19. Ahmadullo Muqumjonov, 21. Muhammadaziz Ibrahimov, 23. Abdurauf Bo‘riyev, 37. Alisher Odilov, 44. Asadbek Rahimjonov.

“Neftchi”: 35. Sanjar Quvvatov, 2. Zoir Jo‘raboyev, 4. Boyan Siger, 7. Jasurbek Jaloliddinov (77. Bilolxon Toshmirzayev, 46), 8. Katalin Karp, 11. Javohir Qahramonov, 18. Mixai-Alexandru Roman (10. Shoxruz Norxonov, 64), 19. Mirzohid G‘ofurov (55. Manuchehr Safarov, 64), 20. Anvarjon G‘ofurov, 70. Abbosjon G‘ulomov, 99. Nsungusi Effiong (9. Husayn Norchayev, 64).

Ogohlantirish: Mirzohid G‘ofurov (2).