Суперлига. “Навбаҳор” “Сурхон”га қарши баҳсда сўнгги дақиқаларда гол уриб, мағлубиятдан қутулиб қолди, “Олимпик” етакчи “Нефтчи” устидан кичик ҳисобда ғалаба қозонди (видео)

Футбол бўйича Ўзбекистон Суперлигасининг 4-туридан ўрин олган икки ўйин 31 март, якшанба куни бўлиб ўтди.

“Сурхон” сафарда “Навбаҳор” меҳмони бўлди. Учрашувнинг 23-дақиқасида Суннатуллоҳ Ҳамиджонов меҳмонларни ҳисобда олдинга олиб чиқди.

Орадан бир неча дақиқа ўтиб, Жаҳонгир Абдусаломов “Сурхон”нинг иккинчи голига муаллифлик қилди.

Биринчи бўлим меҳмон жамоасининг устунлиги билан якунланди. Иккинчи бўлимни эса “Навбаҳор” фаолроқ бошлади ва ҳисобни қисқартирди. 49-дақиқада Азимжон Аҳмедов ўз номини таблога ёздириб қўйди. 

Ўйин сўнгида эса “Сурхон” дарвозаси томон пенальти белгиланди. Тома Табатадзе ушбу пенальтини аниқ амалга ошириб, жамоасининг дуранг қайд этишига ҳисса қўшди.

Турнинг яна бир ўйинида “Олимпик” ва “Нефтчи” ўзаро баҳс олиб борди. Учрашувнинг охирида мезбонлар футболчиси Алишер Одилов дарвозани аниқ нишонга олиб, жамоасига қийин ғалабани олиб келди.

4-тур ўйинларидан сўнг мусобақа жадвали қуйидагича кўриниш олди:

Суперлига

4-тур

31 март, якшанба

“Навбаҳор” – “Сурхон” 2:2

Голлар: 0:1 — 23 Ҳамиджонов, 0:2 — 32 Жаҳонгир Абдусаломов, 1:2 — 49 Аҳмедов, 2:2 — 90+4 Тома Табатадзе.

“Навбаҳор”: 1. Ўткир Юсупов, 7. Азим Аҳмедов, 8. Сияваш Ҳақназари (11. Асадбек Собиржонов, 33), 9. Одилжон Ҳамробеков, 10. Жамшид Искандеров (77. Аброрбек Исмоилов, 79), 13. Филип Иванович, 14. Жамшид Болтабоев, 17. Русланбек Жиянов, 22. Тома Табатадзе, 23. Йован Жокич, 34. Фарруҳ Сайфиев.

“Сурхон”: 16. Дилшод Йўлдошев, 3. Суннатуллоҳ Ҳамиджонов, 4. Нодирхон Неъматхонов, 7. Достонбек Турсунов (20. Сардорбек Маҳмудов, 65), 8. Ҳумоюн Шербўтаев, 9. Улуғбек Ҳошимов, 10. Дмитри Плетнев (99. Комрон Саидазимов, 65), 15. Диёр Рамозонов, 17. Жаҳонгирбек Абдусаломов, 19. Муҳаммад Али Абдураҳмонов (27. Асилбек Жумаев, 81), 66. Беҳруз Шайдулов.

Огоҳлантириш: Нодирхон Неъматхонов (15).

“Олимпик” – “Нефтчи” 1:0

Гол: 1:0 — 90+2 Алишер Одилов

“Олимпик”: 13. Ҳамидулло Абдунабиев, 2. Саидазамат Мирсаидов, 7. Иброҳим Ибрагимов, 10. Фарруҳбек Мухторов (15. Муҳсин Бозоров, 68), 11. Отабек Жўрақўзиев (9. Асадбек Жўрабоев, 75), 18. Акбар Абдирасулов, 19. Аҳмадулло Муқумжонов, 21. Муҳаммадазиз Ибраҳимов, 23. Абдурауф Бўриев, 37. Алишер Одилов, 44. Асадбек Раҳимжонов.

“Нефтчи”: 35. Санжар Қувватов, 2. Зоир Жўрабоев, 4. Боян Сигер, 7. Жасурбек Жалолиддинов (77. Билолхон Тошмирзаев, 46), 8. Каталин Карп, 11. Жавоҳир Қаҳрамонов, 18. Михаи-Алехандру Роман (10. Шохруз Норхонов, 64), 19. Мирзоҳид Ғофуров (55. Манучеҳр Сафаров, 64), 20. Анваржон Ғофуров, 70. Аббосжон Ғуломов, 99. Нсунгуси Эффионг (9. Ҳусайн Норчаев, 64).

Огоҳлантириш: Мирзоҳид Ғофуров (2).