Pep Gvardiola “Manchester Siti”ning tig‘iz taqvimidan norozi ekanligini bildirdi

“Manchester Siti” bosh murabbiyi Pep Gvardiola “shaharliklar”ning tig‘iz taqvimini tandiq ostiga oldi.

Bugun Gvardiola jamoasi “Arsenal”ga qarshi bahs olib boradi, 3-aprelda esa “Aston Villa”ga qarshi, 6-aprelda esa “Kristal Pelas”ga qarshi maydonga tushadi. 9-aprelda esa “Manchester Siti” Chempionlar Ligasi chorak finali doirasida “Real” maydoniga safar qiladi.

“Qaymoqranglilar”ga qarshi javob o‘yinidan so‘ng (17-aprel), “Manchester Siti” Angliya Kubogida “Chelsi”ga qarshi o‘ynaydi. O‘yin 20-aprelda bo‘lib o‘tadi.

“‘Real’ga qarshi javob o‘yinini chorshanba kuni o‘tkazamiz, Angliya Kubogidagi o‘yinni esa shanba yoki yakshanbada o‘tkazishimiz mumkin edi. ‘Koventri’, ‘Yunayted’ va ‘Chelsi’da dam olish uchun bir hafta vaqt bo‘ladi. Nega biz shanba kuni o‘ynashimiz kerak? Har yili shanbada o‘ynaymiz. 

Nega biz yakshanba kuni o‘ynamasligimiz kerak?

Ularning javobi bitta: ‘Ko‘p pul to‘layapmiz’. Mana qayerda sababi? ‘Chelsi’ga qarshi o‘yin uchun 5 soat yo‘l yurib, Londonga borishimiz kerak. Ha, boramiz. Bizda allaqachon bu borada tajriba bor. 

Avvallari ham chorak finalga chiqqanmiz va har safar javob o‘yinidan so‘ng shanba kuni o‘yin o‘tkazamiz. Doim shunaqa. 

Biz charchadik”, — deydi Gvardiola.