14-aprel kuni O‘zbekiston Аlоqа tаriхi muzеyida pochta orqali otkritkalar bilan almashuvchi insonlar – postkrosserlarning xalqaro uchrashuvi bo‘lib o‘tadi.
Ushbu tadbir arafasida O‘zbekiston Milliy pochta xizmati UzPost postkrossing faoliyati, uning O‘zbekistonda rivojlanishi va qanday qilib postkrosser bo‘lish mumkinligi haqida hikoya qiladi.
Postkrossing o‘zi nima?
Postcrossing.com – ingliz tilidagi xalqaro rasmiy veb-sayt bo‘lib, u 200 dan ortiq mamlakatlardan 800,000 ga yaqin otkritkalar bilan almashish ishqibozlarini birlashtiradi.
Saytda anketani to‘ldirish, qoidalar bilan tanishish, tadbirlarni kuzatib borish, forumda muloqot qilish va, albatta, otkritkalarni yuborish va qabul qilish mumkin. Postkrossing yashash joyi, jinsi, kelib chiqishi, e’tiqodidan qat’i nazar hamma uchun ochiq.
O‘zbekiston postkrosserlar hamjamiyati
2024-yil mart sayt ma’lumotlariga ko‘ra, O‘zbekistonda postkrossing bilan shug‘ullanuvchilar 187 nafarni tashkil etadi, va ular bugungi kunga qadar 15 934 ta otkritkalar jo‘natishgan! Holbuki, ishtirokchilar soni bunchalik ko‘p bo‘lishiga qaramay, yaqin vaqtlargacha postkrosserlar offlayn formatda uchrashishmagan edilar.
2023-yil noyabr oyida Polina Alekseyeva tajribali va endigina postkrosserlikni boshlagan ishtrokchilarni birlashtirib, O‘zbekistondagi Postkrossing guruhiga asos soldi. Ushbu hamjamiyat ikki marta rasmiy uchrashuv o‘tkazdi va ayni damda xalqaro tadbirga tayyorgarlik ko‘rmoqda.
O‘zbekistondan otkritkani qanday yuborish mumkin?
O‘zbekistonda istiqomat qilsangiz, pochta otkritkasini istalgan UzPost pochta bo‘limidan yuborishingiz mumkin. Saytning “Tariflar” bo‘limida siz otkritkalarni yuborish narxlari bilan tanishishingiz yoki pochta indeksingizni bilib olishingiz mumkin.
Agar sizga otkritka va sovg‘alar almashish g‘oyasi yoqsa, ammo xalqaro veb-saytda ro‘yxatdan o‘tishga tayyor bo‘lmasangiz, O‘zbekistonning boshqa hududidagi yaqin insoningizga otkritka yoki sovg‘a yuborib ko‘ring. Buni maksimal darajada tez amalga oshirish uchun UzPostning “Bir Qadam” xizmatidan foydalanishingiz mumkin – jo‘natmangiz atigi 1 kun ichida o‘z manziliga yetib boradi. Ushbu xizmat orqali vazni 20 kg dan oshmaydigan va O‘zbekiston Respublikasi qonunchiligi bilan taqiqlanmagan jo‘natmalarni yuborishingiz mumkin.
14-aprel kuni Toshkentda bo‘lib o‘tadigan “Xalqaro postkrosserslar yig‘ini”da barcha xohlovchilar ishtirok etishi mumkin. Chipta o‘rnida siz 30 000 so‘mga maxsus “uchrashuv” otkritkasini xarid qilishingiz lozim.
Uchrashuvda ishtirok etish uchun 7-aprelgacha Telegram orqali bog’lanib ro‘yxatdan o‘tishingiz mumkin.
Rasm: Kartamaksimum – otkritka + bitta mavzudagi marka + markani hisobdan chiqarish muhri. Dizayn asosida rassom 1992-yilda B.Ilyuxin tomonidan yaratilgan O‘zbekistonning birinchi pochta markasi “Nodira” olingan.
Otkritka dizayni muallifi: Polina Alekseyeva. 2024-yil 14-aprel kuni Toshkentda bo‘lib o‘tadigan xalqaro uchrashuv uchun maxsus tayyorlangan.
Reklama huquqi asosida.
Izoh (0)