“Barselona” sobiq himoyachisi Dani Alves tez orada ozodlikka chiqadi.
Eslatib o‘tamiz, Alves jinsiy zo‘ravonlikda ayblanib, 4,5 yillik qamoq jazosiga hukm qilingandi. Shuningdek, futbolchi jabrlanuvchiga 150 ming yevro to‘lashi va 9,5 yil davomida unga yaqin yo‘lamasligi belgilangan. Shuningdek, hukm chiqquniga qadar 1 million yevro garov evaziga ozodlikka chiqishi aytilgandi.
Telecinco nashrining xabariga ko‘ra, Alves kerakli summani to‘plagan. Pul sud hisobiga o‘tkazilgan, endi sobiq futbolchi ozodlikka chiqariladi.
Avvalroq, ushbu pulni Neymarning oilasi to‘lab berishi xabar qilingandi. Biroq, Neymarning otasi bu xabarlarni rad etgan. Undan so‘ng Dani kredit olib, pulni to‘lashi aytilgan edi.
Dani Alves 2008-yildan 2016-yilga qadar, 2021-yildan 2022-yilgacha “Barselona” sharafini himoya qilgan. Himoyachi kataloniyaliklar safida 408 ta o‘yin o‘tkazib, 23 ta sovrin qo‘lga kiritgan.
Izoh (0)