Buxoroda o‘zboshimchalik bilan 5 tup manzarali daraxtlarni kesib tashlagan fuqaroga 35 360 000 so‘m jarima qo‘llandi. Bu haqda viloyat hokimligi xabar berdi.
Unga ko‘ra, Buxoro viloyati Ekologiya atrof-muhitni muhofaza qilish va iqlim o‘zgarishi boshqarmasi tomonidan navbatdagi nazorat reyd tadbiri o‘tkazildi. Olib borilgan nazorat reyd tadbirlari davomida Buxoro shahar “Sharq Yulduzi” MFY hududida fuqaro M.O. qurilish ishlari olib borish maqsadida 2 tup aylanta, 3 tup shumtol, jami 5 tup manzarali daraxtlarni kesib tashlagani aniqlandi.
Huquqbuzarlikni sodir etgan fuqaroga nisbatan Ma’muriy javobgarlik to‘g‘risidagi kodeksning 79-moddasi 1-qismi bilan ma’muriy bayonnoma rasmiylashtirilib, tabiatga yetkazilgan zarar 26 860 000 so‘m hamda 8 500 000 so‘m jarima qo‘llandi.
Ma’lum qilinishicha, Buxoro shahrida joriy yilda daraxtlarning kesilishi bilan bog‘liq 16 ta holat kuzatilib, jami 146 000 000 so‘m jarima hamda tabiatga yetkazilgan zarar hisoblandi.
Izoh (0)