“O‘zkomnazorat” inspeksiyasi Farg‘ona viloyat hududiy sho‘basi, viloyat elektromagnit moslashuv xizmati va ichki ishlar xodimlari hamkorligida Qo‘shtepa tumanida radiomonitoring tadbirlari o‘tkazildi. Bu haqda “O‘zkomnazorat” matbuot xizmati xabar berdi.
Maʼlum qilinishicha, tezkor tadbirlar davomida Qo‘shtepa tumani “Qumtepa” MFY hududida yashovchi fuqaro I.I. tomonidan 3 dona BAOFENG BF-888S rusumli radioelektron vositalardan belgilangan tartibda ruxsatnoma olmasdan foydalanilganligi aniqlangan.
Mazkur holat sabab fuqaro tomonidan radioelektron vositalar yoki yuqori chastotali qurilmalarni loyihalash, qurish (o‘rnatish) va ulardan foydalanishning belgilangan qoidalarini, radioayirboshlash va radiochastotalardan foydalanish qoidalarini buzish, radionurlanishning texnik reglamentlari yoki davlat standartlari, normalari va belgilangan tartibda o‘rnatilgan parametrlari talablari buzilgan.
Fuqaro I.I.ga nisbatan Maʼmuriy javobgarlik to‘g‘risidagi kodeksning 152-moddasi 1-qismidagi (radioelektron vositalar yoki yuqori chastotali qurilmalarni loyihalash, qurish (o‘rnatish) va ulardan foydalanishning belgilangan qoidalarini, radioayirboshlash va radiochastotalardan foydalanish qoidalarini buzish, radionurlanishning texnik reglamentlari yoki davlat standartlari, normalari va belgilangan tartibda o‘rnatilgan parametrlariga rioya etmaslik) talablarni buzganligi sababli maʼmuriy chora ko‘rildi.
Izoh (0)