Surxondaryo viloyati Sho‘rchi tumanida yashovchi 20 yoshli Yu.O. ichki ishlar organlariga murojaat qilib, o‘ziga tegishli bo‘lgan bank kartasidan 2 mln 525 ming so‘m miqdoridagi pul mablag‘lari nomaʼlum shaxs tomonidan o‘zlashtriliganligini maʼlum qilgan. Bu haqda Kiberxavfsizlik markazi xabar berdi.
Maʼlum qilinishicha, o‘tkazilgan tezkor-qidiruv tadbirlari natijasida, mazkur jinoyatni Surxondaryo viloyati Sho‘rchi tumanida yashovchilar 18 yoshli M.B. hamda 24 yoshli E.M. sodir etganligi aniqlandi.
Unga ko‘ra, M.B. va E.M. jabrlanuvchi Yu.O.ga SMS xabarnoma (soxta havola) yuborish orqali shaxsiy maʼlumotlarini qo‘lga kiritib, uning bank mobil ilovasiga ikkinchi foydalanuvchi sifatida ulanib olgan va 2 mln 525 ming so‘m pullarni o‘zining foydalanuvida bo‘lgan bank plastik kartasiga o‘tkazib olgan.
Mazkur holat yuzasidan JKning 169-moddasi 3-qismi “b” bandi (o‘g‘rilik qonunga xilof ravishda (ruxsatsiz) axborot tizimiga kirib yoki undan foydalanib bilan jinoyat ishi qo‘zg‘atilib, M.B. va E.M.larning sodir etilib fosh etilmay qolgan boshqa shu turdagi jinoyatlarga aloqadorligini tekshirish yuzasidan tezkor-surishtiruv ishlari olib borilmoqda.
Izoh (0)