Ukraina prezidenti Vladimir Zelenskiy Rossiya Sumi viloyatiga mart oyida 200 ga yaqin boshqariladigan bomba tashlaganini ma’lum qildi. Bu haqda prezident saytida xabar berildi.
Bir misol, bizning Rossiya hududi bilan chegaradosh Sumi viloyatidir. Rossiya doimiy ravishda diversion-razvedka guruhini kiritishga urinadi. Doimiy terror otishmalari va zarbalari kuzatiladi. Rossiya armiyasi shunchaki chegaradagi qishloqlarimizni vayronaga aylantirmoqchi, — dedi Zelenskiy.
U mart oyining boshidan bugungi kungacha Rossiya aviatsiyasi birgina Sumi viloyatidagi aholi punktlariga 200 ga yaqin boshqariladigan bombalar tashlaganini aytdi.
To‘g‘ridan to‘g‘ri qishloqlar, shaharlar, fuqarolik infratuzilmasi nishonga olingan. Ukraina uchun hozirgi zarurat mazkur terrorni imkonsiz qilib qo‘yadigan tarzda havo mudofaasini kuchaytirishdir.
Zelenskiy, shuningdek, mart—aprel oylarida xalqaro ishlar bo‘yicha yig‘ilish o‘tkazganini aytdi. Prezident rossiyalik harbiy jinoyatchilarni javobgarlikka tortish bo‘yicha yangi qonuniy choralar haqida ma’lumot berdi. Bundan tashqari, Zelenskiy Yevropa kengashi prezidenti Sharl Mishel bilan suhbatlashdi.
Biz Yevropa Kengashi yig‘ilishiga va muhim Yevropa qarorlari yuzasidan tayyorgarlik ko‘rmoqdamiz. Bu iqtisodiy qarorlar, xususan, Ukraina va Yevropa Ittifoqi o‘rtasidagi savdoni liberallashtirishni davom ettirishni o‘z ichiga oladi. Bu Rossiya tajovuzidan mudofaalanishda bizning barqarorligimiz uchun muhim elementlardan biridir. Siyosiy qarorlar ham tayyorlayapmiz. Xususan, Ukrainaning aʼzoligi bo‘yicha haqiqiy muzokaralarni kechiktirmasdan iyun oyida boshlash muhim”, — dedi u.
Izoh (0)