Namangan viloyatida uch tup daraxt kesilishi ortidan amaldor 70 mln so‘m jarimaga tortildi. Bu haqda viloyat Ekologiya boshqarmasi xabar berdi.
Maʼlum qilinishicha, Namangan viloyati Ekologiya boshqarmasi va Yangi Namangan tumani bo‘limi xodimlari bilan hamkorlikda daraxtlarning shikastlanishi va kesilishining oldini olish bo‘yicha reyd tadbiri tashkil etildi.
Unda Yangi Namangan tumani “Oromgoh” mahallasi hududida o‘tkazilgan tadbirda shu hududda joylashgan Ftiziatriya va pulmonologiya markazi bolalar bo‘limining hududida obodonlashtirish ishlarini amalga oshirish jarayonida bo‘lim xodimlari tomonidan o‘zboshimchalik bilan 2 tup chinor va 1 tup kashtan daraxti kesib yuborilgani aniqlandi.
Mazkur holat yuzasidan tashkilot rahbari V.B.ga nisbatan Maʼmuriy javobgarlik to‘g‘risidagi kodeksning 79-modda 3-qismi bilan bazaviy hisoblashning 10 barobari miqdorida, 3 400 000 ming so‘m jarima va 69 million 20 ming so‘m o‘simlik dunyosiga yetkazilgan zarar hisoblangan.
Jarima davlat foydasiga undirilib, zararni undirish bo‘yicha to‘plangan hujjatlar sud organlariga yuborildi.
Izoh (0)