“Trabzonspor” muxlislari va “Fenerbahche” futbolchilari o‘rtasidagi mushtlashuvdan keyin 12 kishi qo‘lga olindi.
FIFA rahbari Janni Infantino “Trabzonspor” muxlislari va “Fenerbahche” futbolchilari o‘rtasidagi janjalni qoraladi: “Sportda va jamiyatda shafqatsizlikka o‘rin yo‘q”
17-mart kuni Turkiya Superligasidan o‘rin olgan uchrashuvda “Fenerbahche” mehmonda “Trabzonspor” ustidan 3:2 hisobida g‘alaba qozondi. Uchrashuvdan so‘ng muxlislar maydonga yugurib chiqib, maydon markazida g‘alabani nishonlayotgan mehmon jamoa futbolchilariga hujum qildi. Futbolchilar xavfsizlik va politsiya hamrohligida tribuna ostidagi xonaga kiritildi.
Turkiya ichki ishlar vaziri Ali Yerlikayga ko‘ra, hozirgacha 12 kishining shaxsi aniqlanib, qo‘lga olingan. Voqea yuzasidan tergov davom etmoqda.
“Turkiya Superligasidan o‘rin olgan “Trabzonspor va “Fenerbahche” o‘rtasidagi o‘yinidan so‘ng biz ko‘rgan shafqatsizlikni mutlaqo qabul qilib bo‘lmaydi – bunga sport va jamiyatda, maydonda va undan tashqarida o‘rni yo‘q.
Men buni avval ham aytganman va yana aytaman — futbolda har bir futbolchi himoyalangan va xavfsiz bo‘lishi kerak, shunda ular dunyo bo‘ylab ko‘plab odamlarni xursand qilishi mumkin.
Men tegishli organlarni ushbu qoidaga barcha rioya etilishini taʼminlashga va Trabzondagi dahshatli voqealar uchun javobgarlarni o‘z qilmishlari uchun javobgarlikka tortishga chaqiraman”, — deyiladi FIFA rahbari bayonotida.
Izoh (0)