14-mart kuni Somalida prezident saroyi yaqinida joylashgan mehmonxonada yonida terakt sodir etilgan. Hodisa oqibatida 3 kishi halok bo‘lgan va 27 kishi jarohatlangan. Bu haqda CNN nashri xabar berdi.
Xabarga ko‘ra, 14-martga o‘tar kechasi poytaxt Mogadishudagi SYL mehmonxonasiga qurollangan besh kishi bostirib kirgan. Jangarilar xavfsizlik kuchlari tomonidan otishmada yo‘q qilingan.
Hujum oqibatida 3 nafar askar halok bo‘lgan, 27 nafar fuqaro tan jarohati olgan. Jangarilar bilan otishma davomida mehmonxonada bo‘lgan hukumat aʼzolari va mehmonlarni xavfsiz hududga ko‘chirishga erishilgan.
Somali politsiyasi vakili polkovnik Qosim Ahmad Roble maʼlum qilishicha, terakt ijrochilari “Ash-Shabob” terrorchilik guruhidan vakillari bo‘lgan. Rasmiy manbalar polkovnikning maʼlumotini tasdiqlamagan.
AQSHning Mogadishudagi elchixonasi terroristik hujumni qatʼiy qoralashini maʼlum qilgan. Birlashgan Millatlar Tashkiloti Somalidagi bu hujum islomning muqaddas ramazon oyi qadriyatlariga zid ekanini qayd etgan.
Izoh (0)