14 март куни Сомалида президент саройи яқинида жойлашган меҳмонхонада ёнида теракт содир этилган. Ҳодиса оқибатида 3 киши ҳалок бўлган ва 27 киши жароҳатланган. Бу ҳақда CNN нашри хабар берди.
Хабарга кўра, 14 мартга ўтар кечаси пойтахт Могадишудаги SYL меҳмонхонасига қуролланган беш киши бостириб кирган. Жангарилар хавфсизлик кучлари томонидан отишмада йўқ қилинган.
Ҳужум оқибатида 3 нафар аскар ҳалок бўлган, 27 нафар фуқаро тан жароҳати олган. Жангарилар билан отишма давомида меҳмонхонада бўлган ҳукумат аъзолари ва меҳмонларни хавфсиз ҳудудга кўчиришга эришилган.
Сомали полицияси вакили полковник Қосим Аҳмад Робле маълум қилишича, теракт ижрочилари “Аш-Шабоб” террорчилик гуруҳидан вакиллари бўлган. Расмий манбалар полковникнинг маълумотини тасдиқламаган.
АҚШнинг Могадишудаги элчихонаси террористик ҳужумни қатъий қоралашини маълум қилган. Бирлашган Миллатлар Ташкилоти Сомалидаги бу ҳужум исломнинг муқаддас pамазон ойи қадриятларига зид эканини қайд этган.
Изоҳ (0)