Rossiyaning turli hududlarida dronlar hujumi oqibatida neftni qayta ishlash zavodlari yonmoqda. Bu haqda Meduza xabar berdi.
12-martga o‘tar kechasi Rossiya havo hujumidan mudofaa tizimlari yetti viloyatda Ukrainaning 25 ta dronini turib olgan va yo‘q qilgan. Xususan, Moskvada (ikkita), Leningradda (bitta), Belgorodda (yettita), Kurskda (11 ta), Bryanskda (bitta), Tulada (bitta) va Orlovda (ikkita) dronlar urib tushirilgani aytilmoqda.
Nijniy Novgorod va Voronej viloyatlari rasmiylari ham dron hujumi haqida xabar bergan. Dron hujumlaridan so‘ng Orlov va Nijniy Novgorod viloyatidagi neft bazalarida yong‘in chiqqan. Mahalliy aholi yong‘in boshlanishidan oldin portlashga o‘xshash ovoz eshitilganini aytgan. Orlov viloyati rahbari obyektdagi yong‘inga dron hujumi sabab bo‘lganini tasdiqlagan. Voqea joyiga o‘t o‘chirish brigadalari jalb qilingan.
Shu kuni yana bir dron Nijniy Novgorod viloyatidagi “Lukoyl” neft bazasiga hujum qilgan. Taxminlarga ko‘ra, u mahalliy vaqt bilan soat 06:00 atrofida neftni qayta ishlash zavodi hududiga qulagan, shundan so‘ng yong‘in boshlangan. Ayni vaqtda voqea joyida favqulodda xizmatlar va o‘t o‘chirish brigadasi ishlamoqda. Dastlabki ma’lumotlarga ko‘ra, qurbonlar yo‘q.
Viloyat rahbari yong‘in Kstov sanoat zonasida sodir bo‘lganini aytgan. Qurbonlar yo‘q, yong‘in o‘chirilmoqda. “Lukoyl-Nijegorodnefteorgsintez” texnologik blokining faoliyati “hodisa tufaylil vaqtincha to‘xtatilgan”.
Mash Telegram kanali xabariga ko‘ra, Belgorod viloyatiga dron to‘rtta portlovchi moslamani tushirib yuborgan, elektr tarmog‘iga shikast yetgan. Yettita aholi punkti elektr energiyasisiz qolgan.
Izoh (0)