“Liverpul”bosh murabbiyi Yurgen Kloppning so'zlariga ko'ra, “Bayer”dagi ajoyib mavsumni o‘tkazayotgan, Xabi Alonso murabiylarning yangi avlodidagi eng iste’dodlilaridan biri.
“Liverpul” va “Real”ning sobiq yarim himoyachisi Alonso Klopp iste'foga chiqishini e'lon qilganidan keyin “Enfild”da ishini davom ettirishi mumkinligi haqida gaplar paydo bo‘ldi.
Alonso Leverkuzen jamoasini 16 oy ichida Bundesliganing quyi pog‘onasidan eng yuqorisiga olib chiqdi. 42 yoshli murabbiy Germaniya kubogi yarim finaliga yo‘llanma oldi va o‘tgan hafta amaldagi chempion “Bavariya” ni 3:0 hisobida mag‘lub etdi.
“Xabi aqlbovar qilmas ishni bajarmoqda”,—dedi Klopp.
“Yangi avlod murabbiylari allaqachon shakllanib ulgurdi va ular orasida Xabi Alonsoni alohida e’tirof etish zarur. Jahon darajasidagi futbolchi bo‘lgan Xabi murabbiylar oilasidan bo‘lganligi ham uning foydasiga ishlamoqda, u futbolchilik davridan murabbiylardek futbolchilarga ko‘rsatmalar berib turar edi. Uning nodirona transferlarni amalga oshirgani va jamoani shakllantirganini alohida e’tirof etish zarur”,—dedi, “Liverpul”ning amaldagi bosh murabiyi.
Kloppning qo'shimcha qilishicha, u o‘zidan keyingi murabbiyni izlash bilan shug‘ullanmasligi, buni rahbariyat hal qilishini ta’kidladi.
Izoh (0)