AQSH prezidenti Jo Baydenning iti maxfiy xizmat agentlarini tishlab olavergach Oq uydan haydaldi, deya xabar bermoqda The Telegraph.
Komander laqabli nemis ovcharkasi oktyabr oyida prezident qarorgohidan ketishiga 1 yil davomida kamida 24 marta ishchi xodimlarni tishlab olgani sabab bo‘ldi.
Voqealardan biri Delaver shtatida prezidentning sohil bo‘yidagi uyida sodir bo‘lgan. Komander maxfiy xizmat agentining oyog‘ini tishlab olgan va ochiq shikastlar xodimning ko‘p qon yo‘qotishiga sabab bo‘lgan.
Maxfiy xizmat elektron qaydlari va CNN ma’lumotlariga ko‘ra, 2022-yilda Komander Oq uyda 11 marta odamlarni tishlab olgan, jumladan noyabr oyida it bir ofitserning qo‘llari va sonidan tishlaganidan keyin u kasalxonaga yotqizilgan.
Kuchukni 2021-yilda Baydenning ukasi Jeyms hadya qilgan edi.
Izoh (0)