АҚШ президенти Жо Байденнинг ити махфий хизмат агентларини тишлаб олавергач Оқ уйдан ҳайдалди, дея хабар бермоқда The Telegraph.
Командер лақабли немис овчаркаси октябрь ойида президент қароргоҳидан кетишига 1 йил давомида камида 24 марта ишчи ходимларни тишлаб олгани сабаб бўлди.
Воқеалардан бири Делавер штатида президентнинг соҳил бўйидаги уйида содир бўлган. Командер махфий хизмат агентининг оёғини тишлаб олган ва очиқ шикастлар ходимнинг кўп қон йўқотишига сабаб бўлган.
Махфий хизмат электрон қайдлари ва CNN маълумотларига кўра, 2022 йилда Командер Оқ уйда 11 марта одамларни тишлаб олган, жумладан ноябрь ойида ит бир офицернинг қўллари ва сонидан тишлаганидан кейин у касалхонага ётқизилган.
Кучукни 2021 йилда Байденнинг укаси Жеймс ҳадя қилган эди.
Изоҳ (0)