Shavkat Mirziyoyevning Qozon shahriga amaliy tashrifi doirasidagi tadbirlar yakuniga yetdi, deb xabar beradi Prezident matbuot xizmati.
Tashrif davomida davlat rahbari Rossiya prezidenti Vladimir Putin bilan uchrashuv o‘tkazdi hamda “Kelajak o‘yinlari” xalqaro multisport musobaqasining ochilish marosimida ishtirok etdi.
Abdulla To‘qay nomidagi xalqaro aeroportda oliy martabali mehmonni Tatariston raisi Rustam Minnixanov kuzatib qo‘ydi. Shavkat Mirziyoyev Toshkentga jo‘nab ketdi.
Eslatib o‘tamiz, Shavkat Mirziyoyev Qozon shahrida “Kelajak o‘yinlari” birinchi xalqaro multisport musobaqasining tantanali ochilish marosimida ishtirok etdi.
“Qozon Ekspo” xalqaro ko‘rgazmalar markazida bo‘lib o‘tgan tadbirda Rossiya prezidenti Vladimir Putin, Belarus prezidenti Aleksandr Lukashenko, Qozog‘iston prezidenti Qosim-Jo‘mart To‘qayev, Qirg‘iziston prezidenti Sadir Japarov, Tojikiston prezidenti Emomali Rahmon va boshqa xorijiy mehmonlar ham qatnashdi.
Izoh (0)