Arktika antisikloni taʼsirida 20—22-fevral kunlari Qozog‘iston shimoli, sharqi, janubi-sharqi va markazida anomal sovuqlik kuzatiladi. Bu haqda “Kazgidromet” xabar berdi.
Janubiy siklon ta’sirida g‘arbiy, shimoli-g‘arbiy, janub va janubi-sharqda bo‘ron bo‘lishi, tog‘li hududlarda esa kuchli qor yog‘ishi kutilmoqda.
Havo harorati g‘arbda kechasi 10-25, kunduzi 5-15, shimoliy va markaziy hududlarda kechasi 28-38, kunduzi 15-23 daraja sovuq bo‘ladi. Sharqiy hududlarda kechasi 32-45, kunduzi 20-32, mamlakatning janubi-sharqida kechasi 15-25 daraja, kunduzi esa 0-13 daraja bo‘lishi prognoz qilinmoqda.
O‘zbekistonda hafta davomida qanday ob-havo bo‘ladi?
O‘tgan hafta oxirida O‘zbekiston hududiga kirib kelgan sovuq havo massasi o‘z ta’sirini saqlab turadi. Havo harorati asosan kechalari 3-8 daraja sovuq, shimolda 7-12 daraja sovuq, ba’zi joylarda 16 daraja sovuqqacha, kunduz kunlari 19—20-fevralda 3 daraja sovuq—2 daraja iliq, 21—23-fevralda 0-5 daraja iliq atrofida bo‘lishi kutilmoqda.
Izoh (0)