“Qoraqalpog‘iston Respublikasini kompleks ijtimoiy-iqtisodiy rivojlantirish va aholi bandligini ta’minlashning qo‘shimcha chora-tadbirlari to‘g‘risida”gi prezident qarori qabul qilindi.
Hujjatga muvofiq, O‘zbekistonning Xitoydagi elchixonasining shtat jadvaliga, mehnatga haq to‘lash fondi belgilangan tartibda o‘zgartirilgan holda, respublika budjeti mablag‘lari hisobidan Qoraqalpog‘iston Respublikasining alohida vakili qo‘shimcha shtat birligi kiritiladi.
Investitsiyalar, sanoat va savdo vazirligi, Tashqi ishlar vazirligi hamda Iqtisodiyot va moliya vazirligi bilan birgalikda 1 oy muddatda mazkur band ijrosi yuzasidan tegishli normativ-huquqiy hujjat loyihasini Vazirlar Mahkamasiga kiritadi.
Shuningdek, Transport vazirligi Uzbekistan Airways AJ, O‘zbekistonda ro‘yxatdan o‘tgan barcha rezident aviakompaniyalar hamda Ekologiya, atrof-muhitni muhofaza qilish va iqlim o‘zgarishi vazirligi bilan birgalikda Qoraqalpog‘iston Respublikasiga turistlar oqimini yanada oshirish, ularga qulay shart-sharoitlar yaratish maqsadida 2024-yil 1-apreldan boshlab:
- Istanbul—Nukus—Toshkent, Samarqand—Nukus—Istanbul yo‘nalishlari bo‘yicha aviaqatnovlarni yo‘lga qo‘yadi;
- yangi xarid qilinayotgan L-410 rusumli samolyotlardan bir donasi Qoraqalpog‘iston Respublikasida ichki reyslar uchun dislokatsiya qilinishi ta’minlanadi.
Izoh (0)