“Қорақалпоғистон Республикасини комплекс ижтимоий-иқтисодий ривожлантириш ва аҳоли бандлигини таъминлашнинг қўшимча чора-тадбирлари тўғрисида”ги президент қарори қабул қилинди.
Ҳужжатга мувофиқ, Ўзбекистоннинг Хитойдаги элчихонасининг штат жадвалига, меҳнатга ҳақ тўлаш фонди белгиланган тартибда ўзгартирилган ҳолда, республика бюджети маблағлари ҳисобидан Қорақалпоғистон Республикасининг алоҳида вакили қўшимча штат бирлиги киритилади.
Инвестициялар, саноат ва савдо вазирлиги, Ташқи ишлар вазирлиги ҳамда Иқтисодиёт ва молия вазирлиги билан биргаликда 1 ой муддатда мазкур банд ижроси юзасидан тегишли норматив-ҳуқуқий ҳужжат лойиҳасини Вазирлар Маҳкамасига киритади.
Шунингдек, Транспорт вазирлиги Uzbekistan Airways АЖ, Ўзбекистонда рўйхатдан ўтган барча резидент авиакомпаниялар ҳамда Экология, атроф-муҳитни муҳофаза қилиш ва иқлим ўзгариши вазирлиги билан биргаликда Қорақалпоғистон Республикасига туристлар оқимини янада ошириш, уларга қулай шарт-шароитлар яратиш мақсадида 2024 йил 1 апрелдан бошлаб:
- Истанбул—Нукус—Тошкент, Самарқанд—Нукус—Истанбул йўналишлари бўйича авиақатновларни йўлга қўяди;
- янги харид қилинаётган L-410 русумли самолётлардан бир донаси Қорақалпоғистон Республикасида ички рейслар учун дислокация қилиниши таъминланади.
Изоҳ (0)