2024-yilda bo‘lib o‘tgan oltmish oltinchi “Gremmi” mukofoti marosimi yuqori reyting egallab, o‘rtacha 16,9 million tomoshabinni o‘ziga jalb etdi, deb yozadi “Korrespondent.net”.
Ushbu ko‘rsatkich o‘tgan yilgi shouga nisbatan 34 foizga ko‘p bo‘lib, 2023-yilgi marosimni o‘rtacha 12,4 milliondan ortiq odam tomosha qilgan edi. Ta’kidlash lozimki, “Gremmi” 2020-yildan beri eng ko‘p tomosha qilingan shou bo‘lib kelmoqda.
Tadbirning eng qiziqarli qismi “Xotira segmenti” bo‘lib, unda Stivi Uander, Enni Lennoks, Jon Batist va Fantaziya Barrino yaqinda vafot etgan san’atkorlar xotirasiga bag‘ishlab сhiqish qildi. Mazkur shouni 18,3 million kishi onlayn tomosha qilgan.
Marosimda tomoshabinlarni hayron qoldirgan lahza qo‘shiqchi Selin Dionning “Yil albomi” mukofotini topshirish uchun chiqishi edi, chunki bir yil avval unga jiddiy nevrologik tashxis qo‘yilgan va Selin san’atni bir muddat tark etishga majbur bo‘lgan edi.
Izoh (0)