Foto: Yulduzlarning “Gremmi-2021” taqdirlash marosimidagi eng esda qolarli obrazlari

“Gremmi” mukofotining 63-taqdirlash marosimiga mashhurlar turli uslubdagi, bir-biriga o‘xshamagan libos kiyishni afzal bilgan. Tashrif buyurganlar orasida sport uslubidagi kostyum va choyshabni esga soladigan kiyim kiyganlar ham bo‘lgan.

Teylor Svift

Aftidan Teylor eng nufuzli musiqiy taqdirlash marosimini maktabning bitiruv kechasi bilan adashtirib yuborgan. Gullarga bilan bezalgan libos, pushti bog‘ichli bosonojka bilan yulduzning obrazida o‘ziga xoslik mujassam bo‘lmagan.

Garri Staylz

Musiqachi an’anaga muvofiq Gucci’dan kiyinishga qaror qilgan va qizil yo‘lakka to‘q qizil baxmaldan tikilgan shim hamda katak-katak pidjakda tashrif buyurgan.

Noa Sayrus

Noaning g‘alati libosi memga aylangan. Ijtimoiy tarmoq foydalanuvchilari kiyimni qaymoq, salfetkaga o‘xshatgan, ayrimlar xonandani choyshabi bilan birga kelgan, deb yozib qoldirgan.

Billi Aylish

Billi Aylish esa marosimga Gucci’ning libosi, panama va tibbiyot niqobida tashrif buyurgan.

Debi Nova

Debi esa mazkur tadbir uchun Georges Chakra’dan ajoyib bichimli libos kiyishni va brilliant choker taqishni afzal bilgan.

Fibi Brijers

Fibi esa “Gremmi”ni Xellouin bilan adashtirgan chog‘i.

Haim

Haim guruhi qizlari “Gremmi”dagi ilk ishtirok uchun Prada’dan ko‘k rangli libos tanlagan. Ushbu qaror ularni qizil yo‘lakdagi boshqa yulduzlardan ajralib turishlariga sababchi bo‘lgan.

Chika

Chika esa nima uchundir taqdirlash marosimiga sport uslubidagi kiyimda kelishni ma’qul bilgan. Obrazi o‘ziga xos bo‘lishi uchun esa niqob va sumkani ham shu rangini tanlagan.