Toshkent viloyatida aksiz markasiz tamaki mahsulotlarini muomalaga kiritilishining oldi olindi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti matbuot xizmati xabar berdi.
Maʼlum qilinishicha, departamentning Chinoz tuman bo‘limi tomonidan IIB xodimlari bilan hamkorlikda o‘tkazilgan tezkor tadbirda yakka tartibdagi tadbirkor A.T. “Chorvador” MFYda joylashgan savdo do‘konida hech qanday hujjatsiz jami 20 quti “Esse Change”, “Parlament” nomli xorijda ishlab chiqarilgan aksiz markasiz tamaki mahsulotini fuqaro U.B.ga sotgan vaqtida ushlanib, ushbu do‘konidan yana 22 xil turdagi jami 7077 quti muddati o‘tgan aksiz markali tamaki mahsulotlari ashyoviy dalil sifatida olingan.
Mazkur holat yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)