Guliston shahar hokimi To‘lqinjon Dadabayev sog‘lig‘idagi muammolar sabab o‘z arizasiga binoan lavozimdan ozod etildi. Bu haqda Sirdaryo viloyati hokimligi matbuot xizmati xabar berdi.
Maʼlum qilinishicha, Guliston shahar hokimi vazifasini vaqtincha bajarish shahar hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari G‘ayrat Botirov zimmasiga yuklatildi.
Maʼlumot uchun, To‘lqinjon Dadabayev 2020-yilning yanvar oyidan buyon shahar hokimi lavozimida faoliyat olib borayotgan edi.
Izoh (0)