Гулистон шаҳар ҳокими Тўлқинжон Дадабаев соғлиғидаги муаммолар сабаб ўз аризасига биноан лавозимдан озод этилди. Бу ҳақда Сирдарё вилояти ҳокимлиги матбуот хизмати хабар берди.
Маълум қилинишича, Гулистон шаҳар ҳокими вазифасини вақтинча бажариш шаҳар ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Ғайрат Ботиров зиммасига юклатилди.
Маълумот учун, Тўлқинжон Дадабаев 2020 йилнинг январь ойидан буён шаҳар ҳокими лавозимида фаолият олиб бораётган эди.
Изоҳ (0)