Rossiya Avdeyevka shahrining o‘n foiz hududini egallab oldi. Bu haqda Bild tahlilchisi Yulian Ryopke xabar berdi.
Dekabr oyida Rossiya qurolli kuchlari Avdeyevka janubi-sharqida, Donetsk halqa yo‘li yaqinidagi sanoat zonasini nazorat ostiga oldi. Endilikda esa ular birinchi marta shaharning mikrorayonini ham egallab oldi. U sanoat zonasining g‘arbiy tomonida joylashgan bo‘lib, u yerda xususiy uylar mavjud.
Rossiya qo‘shinlari u yerdan shimolga, ko‘p qavatli uylar joylashgan Ximik tumani yo‘nalishi bo‘yicha oldinga siljishga urinmoqda. Hozircha Ukraina qurolli kuchlari bu hujumlarni qaytarishga muvaffaq bo‘lmoqda.
Ryopke ruslar tomonidan bosib olingan hudud shahar umumiy maydonining 10 foizini tashkil qiladi, deb hisoblaydi.
Ryopkening eslashicha, Moskvaning dastlabki rejasi Avdeyevkani g‘arbdan o‘rab olish, Stepovoye va Severnoye bo‘ylab oldinga siljish edi. Hozircha bu urinishlar muvaffaqiyatsizlikka uchradi va Rossiya qurolli kuchlari katta yo‘qotishlarga duchor bo‘lmoqda.
“Dushmanning qisman oldinga siljishiga qaramay, Ukraina qurolli kuchlari ushbu jangda dushmanning yuzlab texnikasi va minglab askarlarini yo‘q qilishga muvaffaq bo‘ldi”, — deb yozadi Bild.
Izoh (0)