AQSH Demokratik partiyasi vakili, senator Jin Shagin kongressmenlarni Ukrainaga 61 milliard dollar miqdorida qo‘shimcha moliyalashtirish uchun ovoz berishga chaqirdi.
“Amerika ovozi”ning yozishicha, senator Nyu-Hempshirda ukrainalik qochqinlar bilan uchrashuvda bu haqida gapirgan. Ular unga urush dahshatlari haqida, xususan, Mariupolni Rossiya tomonidan qamal qilingandagi holat haqida aytib berishgan.
Shaginning taʼkidlashicha, agar Kiyevga o‘z vaqtida yordam berilmasa, Qo‘shma Shtatlar keyinchalik Rossiya Federatsiyasi va butun dunyodagi boshqa diktator rejimlarga qarshi kurashishga majbur bo‘ladi.
Senatorning aytishicha, Vladimir Putin nafaqat Ukrainaga qarshi urush olib bormoqda, balki “butun dunyodagi demokratiya poydevorini nishonga olmoqda”.
“Mening to‘rtta nabiram bor va men ularni ikki, uch yoki besh yildan keyin Yevropa yoki Osiyoda jang qilishga majbur qilishlarini xohlamayman, chunki biz Ukrainani qo‘llab-quvvatlashimiz kerak bo‘lgan choralarni ko‘rmayapmiz. Bizning harakatlarimiz hozir juda muhim. Shuning uchun biz moliyaviy yordam ajratish bo‘yicha qarorni tezroq tasdiqlashimiz kerak”, — dedi Shagin.
Izoh (0)