Britaniyalik rok musiqachisi Elton Jon Christies auksionida qiymati 10 million dollardan ortiq bo‘lgan 900 ga yaqin lotni kimoshdi savdosiga qo‘ydi.
Lotda 1970-yillarda platformadagi bir juft kumush etik (taxminan 5 ming dollardan 10 ming dollargacha) 1990-yilda ishlab chiqarilgan ikki eshikli Bentley kabrioleti (25 ming dollardan 35 ming dollargacha) ham bor.
Shuningdek, ular orasida 18 qirotli oltin, brilliant, olovrang sapfir, qoplon nusxa siferblat va brasletdan iborat Rolex Dayton rusumidagi soat ham bo‘ladi. Ularning umumiy qiymati 40 ming dollardan 60 ming dollargacha baholanmoqda.
Jonning mehmonxonasida turgan Yamaha pianinosi 30-50 ming dollarga baholangan. Shuningdek, xonandaning yorqin uslubini ifodalovchi turli buyumlar, jumladan, taxminan 1975-yilda ishlab chiqarilgan quyoshdan saqlaydigan ko‘zoynak 2-3 ming dollarga baholangan.
Qayd etilishicha, kimoshdi savdosining asosiy qismini Elton Jonning ijtimoiy masalalarga bag‘ishlangan yirik kolleksiyasidan 360 ta turli mavzudagi fotosuratlar tashkil etadi.
Auksionning barcha sakkiz bosqichi 21-23 fevral kunlari bo‘lib o‘tishi rejalashtirilgan.
Izoh (0)