Ob-havoning bunday keskin o‘zgarishini kutmaganlar uchun sovuq kunlarda ayni muddao bo‘lgan foydali va samarali bir nechta gadjetlarni taklif qilamiz.
Kuchukcha shaklidagi grelka
Xitoydan kelgan g‘ayrioddiy kuchukcha sizga eng sovuq vaqtlarda ham iliqlik baxsh etadi. Bundan tashqari, uni istalgan joyga o‘zingiz bilan olib ketishingiz mumkin.
Withings BeamO multiskopi
Mazkur gadjet sovuq kunlarda sog‘ligingizni kuzatishga yordam beradi. U termometr, tonometr va boshqa ko‘plab qurilmalarni o‘z ichiga oladi. Ulardan ba’zilarini hatto bilmasligingiz ham mumkin.
Wacaco Nanopresso’dan portativ qahva qaynatkich
Qishki tirbandlikda qolib ketdingizmi? Tashvishlanmang, endi siz mashinada bemalol qahva ichishingiz mumkin. Ham yoqimli, ham foydali.
Tesla pledi (adyol)
Ko‘pchilikka Cybertruck endi qiziq bo‘lmasligi mumkin, ammo Teslaning issiqqina gadjeti ayni muddaodir. Uni qahva qaynatkichingiz bilan birga olib ketishingiz ham mumkin. Lekin ortiqcha narsa kutmang, bu shunchaki adyol.
Neyron tarmoq puxoviki
Mana bu haqiqiy texnologik yangilik! U qish uyqusiga ketib, bahorda uyg‘onadigan odamlar uchun mo‘ljallangan.
The North Face kurtkalaridan tayyorlangan noutbuk sumkasi
Kompaniya yaqinda o‘zining ajoyib xizmati bilan mashhur bo‘ldi. Ammo uning bu mo‘jizaga deyarli aloqasi yo‘q. Dizayner kompaniya mahsulotlaridan foydalangan, qolgani esa texnologiyaning ishi. Cho‘ntaklarning qoldirilgani esa sumkaga noodatiylik beradi.
Klaviatura uchun isitish moslamasi
Bu qurilma geymerlarga juda asqatadi. Gadjet normal haroratni saqlashga yordam beradi va qo‘lni sovqotishdan saqlaydi.
Izoh (0)