Ijtimoiy tarmoqlarda Jizzax viloyati Forish tumanida kuchli shamol hokimiyat binosining tomini uchirib ketgani haqida xabar tarqaldi. Tuman hokimligi holat yuzasidan ma’lumot berdi.
-KTADLCdJ.jpg)
Ma’lum bo‘lishicha, 10-yanvar kuni soat 10:20 larda shamol tezligi 24 metr/sekundgacha kuchayishi natijasida aylanma shamol yuz berib, Forish tuman hokimligi binosining katta majlislar zali tom qismidan tom yopgichlarini uchirgan.
Natijada tunika va taxtalar uchib, hokimiyat avtoturargohida bo‘lgan 6 ta avtomashina ustiga tushgan va qisman zarar yetkazgan.
“Fuqarolarga hech qanday zarar yetmadi. Tabiiy ofat natijasida ko‘rilgan talafotni bartaraf etish choralari ko‘rilmoqda”, — deyiladi xabarda.
“O‘zgidromet” 10-yanvar uchun prognozida Jizzax viloyatida shamol sharqdan 7-12 metr/sekund tezlikda esishi, ba’zi joylarda 15-20 metr/sekundgacha kuchayishi mumkinligini ma’lum qilgandi.
Izoh (0)