Ижтимоий тармоқларда Жиззах вилояти Фориш туманида кучли шамол ҳокимият биносининг томини учириб кетгани ҳақида хабар тарқалди. Туман ҳокимлиги ҳолат юзасидан маълумот берди.
-KTADLCdJ.jpg)
Маълум бўлишича, 10 январь куни соат 10:20 ларда шамол тезлиги 24 метр/секундгача кучайиши натижасида айланма шамол юз бериб, Фориш туман ҳокимлиги биносининг катта мажлислар зали том қисмидан том ёпгичларини учирган.
Натижада туника ва тахталар учиб, ҳокимият автотураргоҳида бўлган 6 та автомашина устига тушган ва қисман зарар етказган.
“Фуқароларга ҳеч қандай зарар етмади. Табиий офат натижасида кўрилган талафотни бартараф этиш чоралари кўрилмоқда”, — дейилади хабарда.
“Ўзгидромет” 10 январь учун прогнозида Жиззах вилоятида шамол шарқдан 7-12 метр/секунд тезликда эсиши, баъзи жойларда 15-20 метр/секундгача кучайиши мумкинлигини маълум қилганди.
Изоҳ (0)