Shvetsiya shimolidagi Kvikkyokke-Orrenyarka meteorologiya stansiyasida 2024-yil 3-yanvarda havo harorati -40 darajaga tushib, kuchli qor yog‘di. Bu haqda Mirror xabar berdi.
Shvetsiyada havo harorati ikkinchi kun ketma-ket 40 darajaga tushib ketdi, bu Skandinaviya mamlakatida 1999-yildan beri kuzatilgan eng sovuq havodir. Sinoptiklarning fikricha, keskin sovuq hafta oxirigacha saqlanib qoladi.
Mamlakat bo‘ylab transport aloqalari uzilib qolgan. Bir qancha ko‘priklar yopilgan, temiryo‘l va parom qatnovi to‘xtatildi. Ko‘pgina maktablar ham ob-havo sharoiti tufayli yopilgan.
Finlyandiyada ham sovuq harorat kuzatilmoqda, jumladan, mamlakat shimolida havo harorati -35 darajaga tushib ketgan. Poyezdlar harakati ham to‘xtab qolgan. Daniyaning aksariyat qismida esa politsiya aholini keraksiz sayohatlardan qochishga chaqirdi, chunki mamlakatning shimoliy va g‘arbiy qismlarida kuchli shamol esib, qor yog‘ishi kutilmoqda.
Izoh (0)