Yangi yil eshik qoqib kelayotgan fursatlar, biz mo‘jizalar va sehr, sovg‘a va tabriklar, xayrli ishlar va orzularning amalga oshishini intiqlik bilan kutib, hozirlik ko‘riladigan davrimizdir. Necha yoshda bo‘lishimizdan qatʼiy nazar, har birimiz ushbu sehrli bayramni o‘zgacha hayajon bilan qarshi olamiz. Axir, bu haqiqiy mo‘jizalar sodir bo‘ladigan lahza!
“LUKOIL” kompaniyasi ko‘p yillik anʼanasiga sodiq qolgan holda, Yangi yil bayrami arafasida xayriya tadbirlarini o‘tkazib, minglab ijtimoiy himoyaga muhtoj bolalarga yangi yil shukuhi va sovg‘alarini taqdim etib kelmoqda. Shunga muvoffiq, joriy yilda ham Qashqadaryo viloyatining, Dehqonobod tumanidagi chekka qishloqlarda, 300ga yaqin bolaga yangi yil sovg‘alari topshirildi.
Buxoro viloyatida “LUKOIL” kompaniyasi ko‘magida, alohida ehtiyojga ega bolalar maktab-internatlari tarbiyalanuvchilari uchun chinakam Yangi yil bayrami tashkil etildi. Muhtasham ziyofat zalida bolajonlarni ertak qahramonlari, mazali taomlar, yangi yil sovg‘alari kutib oldi.
300 dan ortiq bolajonlarga Qorbobo, Qorqiz, qolaversa ularning sevimli multfilm qahramonlari va albatta Yangi yilning bosh ramzi bo‘lmish Ajdarhocha hamrohligida zavqlanib bayram qilishdi. Yangi yil kayfiyati hamda bayram zavqi tadbirda ishtirok etgan har bir xodim, o‘qituvchi va bolakaylar qalbida ham hukm surdi. O‘zlari kutgan sovg‘alarini olayotgan bolalarning ko‘zlarida samimiy quvonch va minnatdorchilik tuyg‘usini ko‘rish mumkin edi.
Shuningdek, “LUKOIL” kompaniyasining shirin sovg‘alari Toshkent shahridagi maktab-internatlar va kam taʼminlangan oilalarning ham yuzlab bolalariga topshirildi.
Yangi yil arafasida “LUKOIL” homiyligida “Xalqlar do‘stligi” saroyida Moskva shahrining “Kuraj” teatri aktyorlari ishtirokida “Qorboboning sandig‘i” nomli yangi yil spektakllari bo‘lib o‘tdi. Yosh tomoshabinlar sahna ko‘rinishlaridan katta zavq olib, tomoshaning yorqin va rang-barang harakatlardan bahramand bo‘lishdi. Kompaniya tadbirning bosh homiyligi doirasida poytaxtning minglab aholisiga, bolalar uylari va internat tarbiyalanuvchilariga, shuningdek, kam taʼminlangan oilalarga shouga tashrif buyurish imkoniyatini berdi.
LUKOIL kompaniyasi Yangi yilni unutilmas kayfiyatda kutib olishingizni ,oilangiz va do‘stlaringiz bilan yangi yil sehrini chindan his qilishingizni tilab qoladi. Sizga baxt, omad, sihat-salomatlik, muvaffaqiyat, barqarorlik va farovonlik tilaymiz!
Yangi 2024-yilingiz bilan, Aziz do‘stlar!
Reklama huquqi asosida.
Izoh (0)