Янги йил эшик қоқиб келаётган фурсатлар, биз мўжизалар ва сеҳр, совға ва табриклар, хайрли ишлар ва орзуларнинг амалга ошишини интиқлик билан кутиб, ҳозирлик кўриладиган давримиздир. Неча ёшда бўлишимиздан қатъий назар, ҳар биримиз ушбу сеҳрли байрамни ўзгача ҳаяжон билан қарши оламиз. Ахир, бу ҳақиқий мўжизалар содир бўладиган лаҳза!
“ЛУКОИЛ” компанияси кўп йиллик анъанасига содиқ қолган ҳолда, Янги йил байрами арафасида хайрия тадбирларини ўтказиб, минглаб ижтимоий ҳимояга муҳтож болаларга янги йил шукуҳи ва совғаларини тақдим этиб келмоқда. Шунга мувоффиқ, жорий йилда ҳам Қашқадарё вилоятининг, Деҳқонобод туманидаги чекка қишлоқларда, 300га яқин болага янги йил совғалари топширилди.
Бухоро вилоятида “ЛУКОИЛ” компанияси кўмагида, алоҳида эҳтиёжга эга болалар мактаб-интернатлари тарбияланувчилари учун чинакам Янги йил байрами ташкил этилди. Муҳташам зиёфат залида болажонларни эртак қаҳрамонлари, мазали таомлар, янги йил совғалари кутиб олди.
300 дан ортиқ болажонларга Қорбобо, Қорқиз, қолаверса уларнинг севимли мультфильм қаҳрамонлари ва албатта Янги йилнинг бош рамзи бўлмиш Аждарҳоча ҳамроҳлигида завқланиб байрам қилишди. Янги йил кайфияти ҳамда байрам завқи тадбирда иштирок этган ҳар бир ходим, ўқитувчи ва болакайлар қалбида ҳам ҳукм сурди. Ўзлари кутган совғаларини олаётган болаларнинг кўзларида самимий қувонч ва миннатдорчилик туйғусини кўриш мумкин эди.
Шунингдек, “ЛУКОИЛ” компаниясининг ширин совғалари Тошкент шаҳридаги мактаб-интернатлар ва кам таъминланган оилаларнинг ҳам юзлаб болаларига топширилди.
Янги йил арафасида “ЛУКОИЛ” ҳомийлигида “Халқлар дўстлиги” саройида Москва шаҳрининг “Кураж” театри актёрлари иштирокида “Қорбобонинг сандиғи” номли янги йил спектакллари бўлиб ўтди. Ёш томошабинлар саҳна кўринишларидан катта завқ олиб, томошанинг ёрқин ва ранг-баранг ҳаракатлардан баҳраманд бўлишди. Компания тадбирнинг бош ҳомийлиги доирасида пойтахтнинг минглаб аҳолисига, болалар уйлари ва интернат тарбияланувчиларига, шунингдек, кам таъминланган оилаларга шоуга ташриф буюриш имкониятини берди.
ЛУКОИЛ компанияси Янги йилни унутилмас кайфиятда кутиб олишингизни ,оилангиз ва дўстларингиз билан янги йил сеҳрини чиндан ҳис қилишингизни тилаб қолади. Сизга бахт, омад, сиҳат-саломатлик, муваффақият, барқарорлик ва фаровонлик тилаймиз!
Янги 2024 йилингиз билан, Азиз дўстлар!
Реклама ҳуқуқи асосида.
Изоҳ (0)