Xitoyda dengiz floti qo‘mondoni Dong Jun mamlakat mudofaa vaziri etib tayinlandi. Bu haqda South China Morning Post xabar berdi.
Xitoyning avvalgi mudofaa vaziri Li Shangfu ikki oy oldin hech qanday tushuntirishsiz lavozimidan olib tashlangandi. Yangi vazir etib Xalq ozodlik armiyasi dengiz floti qo‘mondoni general Dong Jun tayinlandi.
Lining lavozimidan chetlatilishi oktyabr oyida Butunxitoy xalq vakillari kengashi doimiy qo‘mitasi yig‘ilishida tasdiqlangan. Avgust oyi oxirida u ko‘zdan g‘oyib bo‘lgan va uni lavozimdan olib tashlash uchun hech qanday sabab aytilmagan.
Yoshi noma’lum Dong barcha yirik dengiz bo‘linmalarida xizmat qilgan. 2021-yilda harbiy-dengiz kuchlarining bosh qo‘mondoni bo‘lishdan oldin u Shimoliy dengiz flotida xizmat qilgan, hozirda Rossiya harbiy-dengiz kuchlari bilan qo‘shma mashg‘ulotlarda muntazam ishtirok etadi.
Izoh (0)