AQSH sobiq prezidenti Donald Tramp noodatiy Rojdestvo tabrigini e’lon qildi. Truth Social ijtimoiy tarmog‘iga joylangan tabrik “egri Jo Bayden” va “uning yagona umidi, aqldan ozgan Jek Smit”ga qaratilgan.
Prokuror Smit hozirda Trampning jinoiy ishlarini ko‘rib chiqmoqda.
Tramp ularni Rojdestvo bilan tabrikladi va “do‘zaxda chirishni” tiladi.
U dunyoda hech bir hukumat Qo‘shma Shtatlarni yo‘q qilishga intilayotgan Bayden ma’muriyati kabi dahshatli emasligini ta’kidladi.
Sobiq prezident “Qorbobo Trampga ovoz bermoqda” suratini ham ijtimoiy tarmoqqa joylashtirgan.
Keyinroq Jo Bayden Trampning ushbu tabrigiga javoban X’da (sobiq Twitter) shunday post qoldirdi:
“Ibodatxonada shunday iborani aytishadi: Dushmanlaringizni seving, sizdan nafratlanganlarga yaxshilik qiling, sizni la’natlaganlarni duo qiling, sizni haqorat qilganlar uchun ibodat qiling”.
Izoh (0)