Buyuk Britaniya bosh vaziri Rishi Sunak “Uyda yolg‘iz” filmlaridan ilhomlanib, ishlangan parodiya videosida suratga tushdi. U videoni o‘zining YouTube kanalida e’lon qildi.
Video boshida Sunak Londondagi Dauning-stritdagi qarorgohida ishlab o‘tiradi. Keyin yolg‘iz qolganini biladi. Shundan keyin, u ham Kevin Makkallister kabi zavqlana boshlaydi.
Bosh vazir Coca-Cola qutilarini to‘p bilan yiqitadi, mushuk bilan o‘ynaydi, archadan konfet o‘g‘irlaydi, “Elf” komediyasini tomosha qiladi va kaminda marshmellou qovuradi.
Oxirida Sunak telefonga javob beradi: “Bosh vazirning idorasi ... Garri, siz noto‘g‘ri raqam terdingiz”. Bu katta ehtimol bilan shahzoda Garrining bosh vazirga qo‘ng‘iroq qilganini anglatadi.
Avvalroq tarmoqlarga “Uyda yolg‘iz-3” filmining soxta, lekin reallikka yaqin treyler paydo bo‘lgan edi.
Izoh (0)