Буюк Британия бош вазири Риши Сунак “Уйда ёлғиз” фильмларидан илҳомланиб, ишланган пародия видеосида суратга тушди. У видеони ўзининг YouTube каналида эълон қилди.
Видео бошида Сунак Лондондаги Даунинг-стритдаги қароргоҳида ишлаб ўтиради. Кейин ёлғиз қолганини билади. Шундан кейин, у ҳам Кевин Маккаллистер каби завқлана бошлайди.
Бош вазир Coca-Cola қутиларини тўп билан йиқитади, мушук билан ўйнайди, арчадан конфет ўғирлайди, “Элф” комедиясини томоша қилади ва каминда маршмеллоу қовуради.
Охирида Сунак телефонга жавоб беради: “Бош вазирнинг идораси ... Гарри, сиз нотўғри рақам тердингиз”. Бу катта эҳтимол билан шаҳзода Гаррининг бош вазирга қўнғироқ қилганини англатади.
Аввалроқ тармоқларга “Уйда ёлғиз-3” фильмининг сохта, лекин реалликка яқин трейлер пайдо бўлган эди.
Изоҳ (0)