Olmaotada avtobus 7-sonli shahar shifoxonasi hududida to‘planib turgan odamlarga borib urildi. Tengrinews xabar berishicha, uch kishi voqea joyida halok bo‘ldi.
Olmaota politsiya departamenti maʼlumotlariga ko‘ra, YTH mahalliy vaqt bilan soat 18:15 da sodir bo‘lgan.
“47-yo‘nalishdagi avtobus yo‘lovchisi bo‘lgan erkak kishi o‘zaro kelishmovchilik natijasida haydovchi — ayol kishini urgan. Natijada haydovchi hushidan ketib, transport vositasi boshqaruvini yo‘qotgan. Boshqaruvdan chiqib ketgan avtobus bekat yaqinida turgan odamlar bilan to‘qnashib ketdi. Shuningdek, avtobus to‘rtta avtomashina bilan ham to‘qnashgan. Hodisa oqibatida uch kishi halok bo‘ldi, yana to‘rt kishi jarohat olib, kasalxonaga yotqizildi”, — deyiladi politsiya xabarida.
Avtobus haydovchisini urgan shaxs qo‘lga olindi.
Izoh (0)