Олмаотада автобус 7-сонли шаҳар шифохонаси ҳудудида тўпланиб турган одамларга бориб урилди. Tengrinews хабар беришича, уч киши воқеа жойида ҳалок бўлди.
Олмаота полиция департаменти маълумотларига кўра, ЙТҲ маҳаллий вақт билан соат 18:15 да содир бўлган.
“47-йўналишдаги автобус йўловчиси бўлган эркак киши ўзаро келишмовчилик натижасида ҳайдовчи — аёл кишини урган. Натижада ҳайдовчи ҳушидан кетиб, транспорт воситаси бошқарувини йўқотган. Бошқарувдан чиқиб кетган автобус бекат яқинида турган одамлар билан тўқнашиб кетди. Шунингдек, автобус тўртта автомашина билан ҳам тўқнашган. Ҳодиса оқибатида уч киши ҳалок бўлди, яна тўрт киши жароҳат олиб, касалхонага ётқизилди”, — дейилади полиция хабарида.
Автобус ҳайдовчисини урган шахс қўлга олинди.
Изоҳ (0)