Izboskan tumaniga 2018-yildan buyon rahbarlik qilib kelgan Serobiddin Ismoilov 10-dekabr kuni ishdan olingan edi. O‘shanda uni nima sababdan lavozimidan bo‘shatilgani ochiqlanmagan.
“Daryo” manbasining ma’lum qilishicha, unga nisbatan bugun, 21-dekabr kuni jinoyat ishi qo‘zg‘atilgan.
Serobiddin Ismoilovga nisbatan Jinoyat kodeksining 205-moddasi — hokimiyat yoki mansab vakolatini suiiste’mol qilish va 209-moddasi — mansab soxtakorligi bo‘yicha ish ochilgan.
Ma’lumot uchun, ishni o‘qituvchilikdan boshlagan 49 yoshli Serobiddin Ismoilov 2015-2017-yillarda Andijon viloyat hokimligi xalq ta’limi boshqarmasi boshlig‘i, 2017-2018-yillarda viloyat hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari bo‘lib ishlagan.
Izoh (0)