Oklahoma sudyasi qotillikda ayblanib, 48 yil qamoqda o‘tirgan 71 yoshli Glinn Simmonsni ozod qildi. Bu haqda Associated Press agentligi ma’lum qilmoqda.
“Sud aniq va ishonchli dalillarga asoslanib, janob Simmonsga qo‘yilgan ayblovni bekor qildi, u jinoyat sodir etmagani aniqlandi”, - deya sudya Emi Palumbo so‘zlaridan iqtibos keltiradi agentlik.
Glinn Simmons 1975-yilda qotillik jinoyatida ayblanib, o‘limga hukm qilingandi. 1977 yilda o‘lim jazosi umrbod qamoq jazosiga almashtirildi.
Simmons 48 yil 1 oy va 18 kunni qamoqda o‘tkazdi, bu AQSH tarixidagi adolatsizlik qurboni uchun eng uzun qamoq jazosi hisoblanadi, deya qayd etadi AP.
Endilikda Simmons davlatdan 175 ming dollar miqdorida kompensatsiya talab qilishga haqli.
Izoh (0)