Qozog‘istonning birinchi prezidenti Nursulton Nazarboyev Moskvaga keldi va Rossiya prezidenti Vladimir Putin bilan uchrashdi. Bu haqda Rossiya prezidenti matbuot kotibi Dmitriy Peskov ma’lum qildi.
“Ha, u haqiqatan ham Moskvada bo‘ldi, uning uchrashuvi bor edi. Yakka tartibdagi uchrashuv, prezident bilan mutlaqo shaxsiy uchrashuv”, — dedi Peskov.
18-dekabr kuni “Vzglyad na Vostok” Telegram-kanalida Nazarboyev Moskvaga kelgani va Putin bilan uchrashishni rejalashtirgani haqida xabar berilgan edi. Oxirgi marta siyosatchilar 2022-yil iyun oyida Moskvada muloqot olib borgan edi. Uchrashuv haqida Nazarboyev matbuot xizmati xabar bergan. Kreml saytining xabar berishicha, ikki siyosatchining avvalgi uchrashuvi 2021-yil dekabr oyi oxirida Sankt-Peterburgda bo‘lib o‘tgan.
1-dekabr kuni Nazarboyevning “Mening hayotim. Qaramlikdan ozodlikka” nomli avtobiografiyasi chiqdi. Kitobning boblaridan biri Vladimir Putinga bag‘ishlangan.
Unda Nazarboyev sobiq rossiyalik hamkasbini Rossiyada tartib o‘rnatgan “so‘z va ish odami” sifatida tavsiflaydi. U, shuningdek, Putinning prezidentlikka kelishi bilan ikki davlat munosabatlarida “sifat jihatdan yangi” davr boshlanganini qayd etadi.
Izoh (0)