Қозоғистоннинг биринчи президенти Нурсултон Назарбоев Москвага келди ва Россия президенти Владимир Путин билан учрашди. Бу ҳақда Россия президенти матбуот котиби Дмитрий Песков маълум қилди.
“Ҳа, у ҳақиқатан ҳам Москвада бўлди, унинг учрашуви бор эди. Якка тартибдаги учрашув, президент билан мутлақо шахсий учрашув”, — деди Песков.
18 декабрь куни “Взгляд на Восток” Telegram-каналида Назарбоев Москвага келгани ва Путин билан учрашишни режалаштиргани ҳақида хабар берилган эди. Охирги марта сиёсатчилар 2022 йил июнь ойида Москвада мулоқот олиб борган эди. Учрашув ҳақида Назарбоев матбуот хизмати хабар берган. Кремль сайтининг хабар беришича, икки сиёсатчининг аввалги учрашуви 2021 йил декабрь ойи охирида Санкт-Петербургда бўлиб ўтган.
1 декабрь куни Назарбоевнинг “Менинг ҳаётим. Қарамликдан озодликка” номли автобиографияси чиқди. Китобнинг бобларидан бири Владимир Путинга бағишланган.
Унда Назарбоев собиқ россиялик ҳамкасбини Россияда тартиб ўрнатган “сўз ва иш одами” сифатида тавсифлайди. У, шунингдек, Путиннинг президентликка келиши билан икки давлат муносабатларида “сифат жиҳатдан янги” давр бошланганини қайд этади.
Изоҳ (0)