Rossiyada o‘zbekistonlik ishchi balandlikdan yiqilib vafot etdi

Rossiyaning Kudrovo shahridagi qurilish maydonchasida o‘zbekistonlik ishchi uch metr balandlikdan yiqilib halok bo‘ldi. Bu haqda 78.ru xabar berdi.

Prorab hushsiz holda yotgan quruvchini topgan va darhol tez yordam xizmatiga murojaat qilgan. Voqea joyiga yetib kelgan tez tibbiy yordam xodimlari uning o‘lganini aniqlagan. Marhum O‘zbekiston fuqarosi ekanligi ma’lum bo‘lgan.

O’limidan oldin u uch metr balandlikda osma narvon ustida ishlagan. Taxminlarga ko‘ra, marhum o‘zining ehtiyotsizligi tufayli yiqilgan.

Avvalroq Sankt-Peterburgda 49 yoshli O‘zbekiston fuqarosi qurilish maydonchasida yiqilib, kasalxonaga yotqizilgandi. Erkak Moskva shossesida angarlarda ishlayotgan vaqtda balandlikdan yiqilib tushgan. Erkak boshning ochiq jarohati, miya shishi, bosh miya kontuziyasi va boshqa og‘ir jarohatlar bilan kasalxonaga yotqizilgan.