Sankt-Peterburgda 49 yoshli O‘zbekiston fuqarosi qurilish maydonchasida yiqilib, kasalxonaga yotqizildi. Bu haqda “Fontanka” xabar berdi.
Voqea Shusharida sodir bo‘lgan. Erkak Moskva shossesida angarlarda ishlayotgan vaqtda balandlikdan yiqilib tushgan. Qurilish maydonchasida videokuzatuv kamerasi yo‘qligi sababli aniq ma’lumot mavjud emas.
Erkak boshning ochiq jarohati, miya shishi, bosh miya kontuziyasi va boshqa og‘ir jarohatlar bilan kasalxonaga yotqizilgan. Migrant 2021-yilda Sankt-Peterburgga kelgan. Avvaliga u migratsiya organlarida ro‘yxatdan o‘tgan, ammo keyinchalik hujjatlarning amal qilish muddati tugagan va u Rossiyada noqonuniy bo‘lgan.
